Եվդոկիա Էֆրոս
Եվդոկիա Էֆրոս | |
---|---|
Ծնվել է | 1861 |
Մահացել է | 1943 |
Մահվան վայր | Տրեբլինկա, Kosów Lacki, Gmina Kosów Lacki, Sokołów County, Մազովեցի վոյեվոդություն, Լեհաստան |
Քաղաքացիություն | ԽՍՀՄ, ՌԽՖՍՀ և Ռուսական կայսրություն |
Եվդոկիա Իսաակովնա Կոնովիցեր (Էֆրոս) (ռուս.՝ Коновицер (Эфрос) Евдокия Исааковна, 1861 - 1943, Տրեբլինկա, Kosów Lacki, Gmina Kosów Lacki, Sokołów County, Մազովեցի վոյեվոդություն, Լեհաստան), ռուս գրող Անտոն Չեխովի հարսնացուն[1]։ Սովորել է գրողի քրոջ՝ Մարիա Պավլովնա Չեխովայի հետ Գերյեի մանկավարժական կուրսերում։ Ենթադրաբար հանդիսանում է «Թինա» պատմվածքում Սուսաննա Մոիսևնայի նախատիպը։ «Այստեղ լիներ Էֆրոսը։ Ես կզայրացնեի նրան, կասեի, որ հրեական երիտասարդությունը գրոշ չարժե, կնեղանար ու կգնար»,-գրել է Չեխովը իր ընկերուհի Մ. Կիսելևային «Նոր ժամանակներ» թերթում «Թինա» պատմվածքի թողարկման օրը։
Լինելով նյութապես ապահովված հրեաների ընտանիքից՝ հրաժարվել է ընդունել ուղղափառություն, ինչի հետևանքով Չեխովի հետ ամուսնությունը դարձել է անհնար[2]։ Ավելի ուշ ամուսնացել է Չեխովի մտերիմներից մեկի՝ փաստաբան և հրատարակիչ Կոնովիցերի հետ։ Հեղափոխությունից հետո ամուսնու հետ արտագաղթել է Ֆրանսիա։ Հանվել է ծերանոցից և մահացել 1943 թվականին Տրեբլինկայի համակենտրոնացման ճամբարում։
Ծանոթագրություններ
[խմբագրել | խմբագրել կոդը]- ↑ Домиль В. Дуня Эфрос и другие
- ↑ Красильщиков А. Еврейская история Антона Чехова